有人話現在樓市不景，不少業主都要大幅低於市價賣樓，政府亦要低於市價賣地，那些人可唔可以唔了解現在點解有人低於市價賣樓，其實，只是他們投資失誤，投資股票可能唔見了一半，買債券隨時清零，蝕咗錢就要賣樓還貸，平價賣樓是冇辦法中辦法，香港政府雖然有巨額財赤，但財政仍然冇問題，點解要低價賣地。
我簡單講，當我買入一個物業，溢價50%邀請朋友入股，每年租金收益減去開支之後，全部分給他們，朋友都很高興，當賣樓的時候，我先以樓價五折購入朋友的股份，他們又樂意接受，甚至蝕本都接受，我有乜辦法唔發。
昨晚食飯時，老婆話有一個大有錢佬開記招公開講接班人，大仔是否到過我們家裏作客，我話正是，當晚亦令我大開眼界，有錢人的子女見識的確不同凡響。報紙冇講，二女所開設的酒店，全世界排第二，排十名內有兩間，另外一間是太古的奕居，排第四，老實說，如果不是富三代，根本唔可以做到一間瑰麗酒店出嚟。
我都唔知點樣解釋，一般來說，做到經濟學家不會是有錢人，大多數是中產階層人士，他們的子侄冇咁龐大資產給他們管理，於是苦心鑽研財務管理方法，亦稱之為經濟學家，至於有錢人，管理自己的財富都唔夠時間，仲點會去研究財富管理，仲去教人，所以，稱一個人為經濟學家對普通人來說是讃美，普通人甚至自稱經濟學家，香港亦有唔少，但稱一個有錢佬為經濟學家，即是話他的家境一般般，試問有錢佬聽到有乜辦法唔嬲。
莫講話私人住宅貸款，就算商業貸款，買樓的智慧銀行都很少向依時還款的按揭客人call loan，除非物業大幅貶值，不過銀行對商業貸款一般是四成，最多是五成，就算樓價下跌兩、三成，仍然是非常安全，除非客戶拖欠供款，又唔肯與銀行協商，銀行一定會call loan，就算樓價上升，而客戶拖欠供款，銀行一樣會call loan。
有人認為香港樓市出現大問題，否則銀行就唔會call loan，其實call loan有什麼問題，銀行對於脫期供樓，或者無抵押貸款逾期不還，銀行都會call loan，但唔知點解，外媒會話香港有1.1萬個負資產，銀行正在call loan，其實，即使有1.1萬個負資產，亦不是什麼大件事，更何況大部分的負資產都是由銀行職員擁有，銀行知道職員有還款能力，點解要call loan，至於點解外媒要大肆報道，多少與香港舉辦國際金融峰會有關，幾百個頂級金融人士雲集香港，所收到第一個訊息就是香港銀行正在call loan，老實說，不能說是假新聞，不過就唔知攞景抑或贈興。
香港官員不但死牛一面頸，而且仲要馬兒好，又要馬兒不吃草，一方面打擊樓市，另一方面推出土地拍賣，以為地產商一定要買，五次流標都唔改變土地銷售方法，到第六次零入標簡直是侮辱，任何政府都應該受不了，除非官員以平常心面對。
Comments